Saleh əməl (ayə:9)

Bu ayədə izzət və cəlal sahibi olan Rəbbimiz Ona iman gətirib yaxşı işlər görənlərə vəd verir və ayənin sonunda həmin vədi açıqlayaraq buyurur: onlar üçün (Rəbləri tərəfindən) bağışlanmaq və böyük mükafat vardır.

Saleh əməllərdən biri dost və düşmənlə adilanə rəftardır. Təəssüf ki, bəzi şəxslər qohumluq və dostluğa görə tərəf tutmaqla digərinin haqqını tapdalayır və güman edirlər ki, qohum-əqrəbanın tərəfini saxlamaq insanın borcudur. Bəzi şəxslər isə kiməsə qarşı kin-küdurəti olduğu üçün ədalətsizliyə yol verirlər. Hər iki əməl Allahın buyurduqlarına qarşı çıxmaq və ya onları danmaq, təkzib etmək sayılır.