- Dinləmək
-
-
Əsli
-
وَإِذَا حَضَرَ الْقِسْمَةَ أُولُو الْقُرْبَىٰ وَالْيَتَامَىٰ وَالْمَسَاكِينُ فَارْزُقُوهُم مِّنْهُ وَقُولُوا لَهُمْ قَوْلًا مَّعْرُوفًا
-
Transliterasiya
-
Wa 'Iḏā ḥaḍara Al-Qismata 'Ūlū Al-Qurbá Wa Al-Yatāmá Wa Al-Masākīnu Fārzuqūhum Minhu Wa Qūlū Lahum Qawlāan Ma`rūfāan
-
Mirzə Əli Meşkini
-
Miras bölgüsü zamanı orada (vərəsələrdən olmayan) qohumlar, yetimlər və yoxsullar olsalar, onlara o maldan ruzi olaraq bir şey verin və gözəl, bəyənilən söz deyin.
-
Əltafur-Rəhman
-
Bəyənilmiş əməl (ayə:8)
Mütəal Allah bu mübarək ayədə buyurur: «(Ey varislər!) Vəfat edən şəxsin irsi bölündükdə ondan kasıb qohumlara, yetimlərə və miskinlərə də verin!» Diqqət etmək lazımdır ki, ayədə: «izə hazaral-qismətə», - buyurulmaqla bütün ehtiyac sahibi olan qohum-əqrəbaya, yetimlərə və miskinlərə deyil, onlardan yalnız irs bölüşdürülərkən orada iştirak edənlərə bir şey verilməsi nəzərdə tutulmuşdur.
Əbu Bəsir imam Sadiqdən (ə) rəvayət edir ki, o həzrət buyurub: «Kişi və qadınların paylarını bəyan edən 11, 12-ci ayələr 8-ci ayənin hökmünü aradan qaldırmışdır (11, 12-ci ayələrə əsasən, orada adları çəkilən şəxslərdən başqalarına, yəni, digər qohumlara, yetimlərə və miskinlərə miras çatmır).»
Bəzi təhqiqatlara əsasən, məlum olur ki, digər qohumlara, yetimlərə və miskinlərə irsdən bir şey verməyi vacib bilmək nəsx olunmuşdur. Amma bəyənilir ki, varislər razı olduğu təqdirdə, ehtiyacı olan qohumlara, yetimlərə və miskinlərə də bir şey verilsin.