Münafiqlər (ayə:8-13)

Mütəal Allah bu mübarək surənin əvvəlində xalis möminlərdən və xalis kafirlərdən bəhs etdikdən sonra zahirdə mömin kimi tanınıb daxili küfrlə dolu olan münafiqlər (ikiüzlülər) haqqında buyurur: (ya peyğəmbər!) insanlardan bəzisi Allaha və qiyamətə iman gətirdiklərindən xəbər verirlər. Halbuki, onlar iman gətirməmişlər. Onlar Allaha və möminlərə hiylə işlədərək onları aldatmaq istəyirlər. Təəssüf ki, onlar düşünmürlər ki, bununla özlərini aldadırlar.